CAIJ TOS HUAB TAIS PAB PEB KOM NTSIB HUAB TAIS YES XUS NYOB HAUV LWM TUS TXOJ KEV VAM.

Nyob hauv thawj hnub hauv Caij Tos Huab Tais, Vaj Qhia Fas Ntshis Kus hais tias Huab Tais Yes Xus nqes los nyob hauv peb lub neej tas mus li.
Peb txoj kev ntseeg tias nyob hauv lub zim txwv kawg, Huab Tais Yes Xus yuav rov qab los; mas pab txhawb peb kom muaj kev tso siab thiab vam khom mus rau tom ntej.
Nyob hauv zaj nyeem ib, tus Yaj Saub His Xais hais txog Tswv Ntuj lub tuam tsev saum ncov roob, yog lub roob txhua txhia haiv neeg yuav tsum kos tseg cia. Tom qab Huab Tais Yes Xus yug los, Huab Tais Yes Xus thiaj qhia rau sawv daws tias nws yog Tswv Ntuj lub tuam tsev ntawd.
Vaj Qhia hais tias qhov tus Yaj Saub His Xais pom no yog lub cim ntshiab huv thiab txhawb peb kom mus cuag Leej Pleev.
Caij Tos Huab Tais yog lub zim txwv uas sawv daws yuav tos Huab Tais Yes Xus nqes los, Huab Tais Yes Xus yog tus coj kev thaj yeeb nyab xeeb tauj rau peb, nws yog txoj kev mus cuag Tswv Ntuj.
Ntawv Moo Zoo hnub no, Huab Tais Yes Xus hais kom peb zov hmo tos nws los. Kev zov hmo tsis yog kom peb qhib ob lub qhov muag tas mus li xwb, tab sis yog kom peb muaj lub siab taug txoj kev tseeb tiag; yog muab peb tsob hwb lwm tus.
Thaum peb pw thiab sawv los, peb tu lub cev kom zoo nkauj zoo ntsia, tab sis yuav tsis pab peb raug zoo nrog cov neeg raug tso pov tseg los yog cov neeg mob tau.
Vaj Qhia hais ntxiv tias cov neeg tos Huab Tais Yes Xus yuav ceev faj txog cov xwm txheej Tswv Ntuj yuav ua.
Kev zov hmo yog muab siab rau cov nyob ze koj, pab lawv ua ntej lawv yuav thov txog koj.
Kawg no, Vaj Qhia thov niam Mab Liab kom pab coj peb kev nyob hauv Caij Tos Huab Tais no tias “Niam Mab Liab siab ntshiab, leej niam hauv txoj kev vam khom; thov koj pab hloov peb kom yog Tswv Ntuj lub ncov roob coj sawv daws mus cuag Huab Tais Yes Xus.”

Tus txhais : Muas Lauj, Zoo Tswv Zov Yaj