KEV NYIAM YOG COV NEEG NTSEEG TUS CAG

Hnub chiv tim 25 lub 10 hli Vaj Qhia Fas Ntshis Kus nthuav Huab Tais Yes Xus lo lus teb tus kws lij choj lo lus nug tias lo lus qhia twg hauv Txoj Cai loj tshaj tias yog lo ‘nyiam Tswv Ntuj thiab nyiam tus nyob ze koj.’

Huab Tais Yes Xus muab 2 lo lus qhia kom neeg tsim txiaj no los ua ob tug ncej txheem sawv daws txoj kev ntseeg cia. Lo lus ib mas yog lub neej tsim txiaj thiab txoj kev teev hawm tsum muaj kev nyiam ua tus cag. Lo lus ob mas yog tsum nyiam Tswv Ntuj thiab nyiam tus nyob ze yus.

Vaj Qhia hais tias nov yog Huab Tais Yes Xus cov lus qhia tias yog peb tsis nyiam tus nyob ze peb mas peb yuav nyiam Tswv Ntuj tsis tau, thiab yog peb tsis nyiam Tswv Ntuj ces peb yeej yuav tsis nyiam peb cov kwv tij thiab.

“Tag nrho Tswv Ntuj 10 lo lus qhia mas tsuas xaus tau ua 2 nqes xwb : Nyiam Tswv Ntuj, thiab nyiam tus nyob ze koj.” Vaj Qhia hais raws li Huab Tais Yes Xus qhia tseg.

Vaj Qhia nthuav ntxiv tias kev nyiam Tswv Ntuj mas peb ua tau nyob hauv kev nquag thov Ntuj. Hos kev nyiam tus nyob ze peb mas yog kom peb ua siab dawb paug pab lwm tus, mloog lawv hais thiab pab txhawb lawv.