LUB QHOV ROOJ MUS HAUV TSWV NTUJ CEEB TSHEEJ YOG KEV TSOB HWM LWM TUS

Hnub hwm Yes Xus ua vaj, mas Vaj Qhia Fas Ntshis Kus ntuas sawv daws tias Huab Tais Yes Xus yuav txiav txim neeg raws lawv txoj hauj lwm tsob hwb lwm tus nyob hauv txoj kev nyiam thiab khuv leej.

Vaj Qhia hais tias Huab Tais Yes Xus yog lub hauv paus thiab yog qhov xaus hauv tib neeg lub keeb. Ntawv Moo Zoo hauv hnub no mas piav txog qhov xaus los yog lub zim txwv kawg. Raws li Mas Tais Ntawv Moo Zoo, zaj 25 qib 31 txog 46 mas Huab Tais Yes Xus hais zaj paj lug txog kev txiav txim hauv lub zim txwv kawg. Vaj Qhia hais tias Huab Tais Yes Xus uas neeg muab lub txim tuag rau nws ris mas yog tus vaj yuav txiav txim rau sawv daws.

Huab Tais Yes Xus kev ua vaj tsis zoo li ntiaj teb neeg kev ua vaj, tab sis yog tus vaj zoo xws li ib tug zoo tswv zov yaj, nws hlub nws cov yaj thiab khuv leej nws cov yaj. Li ntawd Huab Tais Yes Xus kev txiav txim thiaj zoo li tus tswv zov yaj cais cov yaj ntawm cov tshis. Txhais tias Huab Tais Yes Xus yuav txiav txim raws qhov ncaj ncees thiab tsis hla leej twg lub tsim li.

Huab Tais Yes Xus hais tias : Nej tau ua npaum li cas rau cov me tshaj hauv kuv tsoom kwv, mas yog nej ua rau kuv.

Yog li ntawd, kev txiav txim thiaj yuav txiav raws txoj kev nyiam, tsis yog raws kev xav.

Huab Tais Yes Xus yuav soj ntsuam neeg li tus tswv cai nws cov yaj, thiab yuav ntsuas tib neeg li ib tug yaj tau kev pab ntawm nws cov phooj ywg raws li Huab Tais Yes Xus lo lus tias : thaum kuv tshaib plab nej puas pub rau kuv noj, kuv nqhis dej nej puas pub rau kuv haus, kuv yog ib tug pej kum neeg nej puas txais kuv, kuv liab qab nej puas muab rau kuv hnav, kuv mob thiab kuv nyob hauv tsev loj faj nej puas tuaj xyuas kuv.

Li ntawd, Vaj Qhia Fas Ntshis Kus thiaj kom peb sawv daws thov niam Mab Liab pab qhia peb kom paub tsob hwb lwm tus raws li nws tus yam ntxwv, mas peb thiaj yuav chaws tau lub qhov rooj loog mus hauv Ntuj Ceeb Tsheej.