PEB RAUG HU LOS COJ LUB NEEJ ZOO

Tim 25 lub 3 hlis yog hnub Mab Liab tau txais lub moo ntawm tus Tshiab Nkas Nplias tias nws yuav xeeb Tswv Ntuj Leej Tub thiab yog hnub Leej Ntshiab Vaj Qhia Zam Paj Lug Ob sau phau ntawv ‘Gospel of Life’ los yog ‘Lub Moo Zoo hauv txoj sia’ txwm 25 xyoos.
Yog li nyob hauv hnub no Vaj Qhia thiaj hais txog kev tshaj lub Moo Zoo thiab lub Moo Zoo hauv txoj sia. 
Vaj Qhia hais tias lub Moo Zoo hauv txoj sia yog lub plawv ntawm Huab Tais Yes Xus cov lus. Tswv Ntuj lub Koom Txoos tau txais kev hlub txhua hnub, yog tshaj lub Moo Zoo rau txhua leej txhua tus thiab txhua haiv neeg.
Vaj Qhia hais tias yam ua ntej tshaj plaws mas yog ua tim khawv txog lub Moo Zoo. Tsis tas li, Vaj Qhia tseem ua sawv daws tsaug uas lawv coj raws nraim lub Moo Zoo hauv txoj sia thaum lawv tab tom ua hauj lwm pab cov neeg mob, cov laus, cov raug tso pov tseg thiab cov quaj ntsuag.
Vaj Qhia hais tias qhov no yog txoj sia uas peb raug hu los txhawb thiab tiv thaiv. Tsis yog txoj kev xav uas ntsia tsis pom, tiam sis peb tau pom nyob hauv tib neeg.
… Cov muaj me nyuam thaum txawm yau, cov raug ntiab tawm hauv vaj tse, cov tsis muaj neeg saib xyuas, cov tas kev cia siab, cov raug tsim txom, cov quaj ntsuag los yog cov thoj nam….
Vaj Qhia hais tias yog ib yam tu siab kawg uas nyob rau lub zim txwv no tib neeg txawm ntsib cov teeb meem li hais los. Tsis tas li, peb tseem ntsib xwv txheej tshiab thiab.
Vaj Qhia hais ntxiv tias txhua txoj sia muaj nqis heev thiab peb yuav tsum muaj cuab kav tshaj qhov no tawm nyob hauv peb cov lus thiab peb tus yeeb yam.
Kawm no, Vaj Qhia vam txog Leej Ntshiab Vaj Qhia Zam Paj Lug Ob cov lus tias ‘Hwm, tiv thaiv thiab txhawb neeg lub meej mom tsis hais lub caij nyoog twg thiab tus neeg zoo li cas los sij.’

Vam txog : Vaticannews.va/en
Tus txhais : Muas Lauj, Zoo Tswv Zov Yaj