THOV NTUJ RAU SAWV DAWS

Nyob hauv lis piam no mas Vaj Qhia rov nthuav txog kev thov Ntuj, muaj lub ntsiab tias ‘thov Ntuj pub rau lwm tus’.

Vaj Qhia Fas Ntshis Kus hais kom cov ntseeg sawv daws txhob tig nrob qaum rau lub ntiaj teb. Yog thaum twg tus neeg thov Ntuj tsis muaj feem xyuam nrog tib neeg- tsis hais sab kev zoo siab thiab tu siab, sab kev vam khom thiab ntxhov siab- mas lawv kab xwm thov Ntuj yuav tsis muaj qab hau dab tsi tuaj.

Vaj Qhia xam txog cov neeg thov Ntuj rau lwm tus tias zoo tam li Leej Pleev nyob hauv lub Cim Yug uas raug ntais faib rau sawv daws noj. “Nyob hauv peb cov lus thov Ntuj, Tswv Ntuj yuav txais, ces yuav foom hmoov zoo rau peb, yuav faib peb, thiab muab rau peb; kom peb tau pub rau txhua tus neeg tshaib nqhis.”

Vaj Qhia ntuas tias cov ntseeg txhua tus raug hu los ua cov mov cev rau Tswv Ntuj kom tau faib rau ntiaj teb eeg sawv daws. Yog li mas cov ntseeg sawv daws yuav qhib lub siab kom dav, thov Ntuj rau cov neeg tsis nyiam thov Ntuj los yog tsis tau paub tias yuav pib thov Ntuj li cas.

Vaj Qhia hais ntxiv tias tus neeg thov Ntuj pub rau lwm tus, nws yuav pom Leej Pleev nyob hauv cov neeg quaj ntsuag txom nyem.

Vaj Qhia rov ntuas tias kev thov Ntuj yogi b yam yoj yim rau tib neeg kawg nkaus vim tib neeg lub siab yeej ib txwm nyiam thov Ntuj, tab sis kev thov Ntuj kom muaj qab hau mas yog tus neeg ntawd tsum muaj lub siab hlub lwm tus tiag tiag, txawm tias tus neeg peb thov Ntuj rau yogi b tig neeg txhaum los thaum peb thov Ntuj rau nws, peb yeej yuav tsis nrog nws txhaum.

“Cov me nyuad! Nej twb pom tias txawm Tswv Ntuj haiv neeg ua txhaum npaum cas, los Tswv Ntuj tsis tso lawv pov tseg, Huab Tais Yes Xus tsis kaw nws lub siab rau cov ntxeev siab rau nws.”

Koom Txoos txoj hauj lwm dhau ntawm kev xyaum yoog tus kheej kom nyiam thov Ntuj lawm, ces yog tsum txuag tiv thaiv lwm tus nyob hauv lub siab khuv leej thiab hlub mos nyoos.

Vaj Qhia muab lo lus xaus tias sawv daws tsuas yog cov nploo koom ib tsob ntoo, li ntawd peb yuav  thov Ntuj sib pab sib txhawb thiaj li yog.