COV LAUS THIAB KEV TEEV NTUJ NYOB FIS LIS PEES TEB.

Tus kab mob Covid-19 uas rau cov neeg laus nyob tau ntsoos thiab tsis muaj kev lom zem, lawv zoo li ib cov neeg raug tso tseg nyob hauv tsev, vim tseem hwv txoj cai. Tab sis yuav txwv kom lawv txhob mus tsev teev Ntuj tsis tau, vim lawv lub siab nyob tsis taus hauv tsev. 
Nyob hauv lub nroog Quezon nyob Fis Lis Pees teb, muaj 2 tug niam tub uas raug txwv tsis pub mus tsev teev Ntuj, kom nkawd nyob twj ywm hauv tsev xwb. 2 tug niam tub ntawd, tus ntxhais hnub nyoog muaj 55 xyoos, hos tus niam muaj 100 xyoo. Tus niam dig ib sab qhov muag lawm. Tab txawm nws dig muag, tsis kav nws niaj hnub zaum nyob hauv ib lub tsheb rau nws tus ntxhais thawb mus teev Ntuj. Vim tus kab mob Covid-19, mas cov tseem hwv txwv tsis pub nkawd mus teev Ntuj thiab kom nyob twj ywm hauv tsev. 
Tus pog Santiago uas nws muaj 100 xyoo hais tias : tab txawm tsis muaj ua thaj txi Ntuj nyob hauv tsev teev Ntuj, tsis kav nws niaj hnub mus hauv tsev teev Ntuj, ua rau nws kaj siab thiab tsis dhuav nyob tsev. 
Tseem muaj ib tug poj niam laus hnub nyoog 73 xyoos nyob hauv lub nroog Quezon hais tias : nws chim siab thiab ntxhov siab kawg, vim nws niaj hnub nyob ib leeg hauv tsev. Thaum lub sij hawm nws mloog lub thaj txi Ntuj nyob hauv xov tooj cua, mas nws xav txog lub caij ua ntej tus kab mob Covid-19 tsis tau tshwm sim. Nws nyob ntsiag to thov Ntuj hauv tsev teev Ntuj, mas lub siab kaj lug tsis zoo li nyem no. 
Nyob sab xib fab pej ntawm lub xeev Thes Xas Nias, muaj cov neeg laus hnub nyoog tshaj 70 xyoo coob leej, lawv tsis paub txog tus kab mob Covid-19, lawv tsis nkag siab txog thiab tsis paub tias leej twg muaj mob, tsis paub tias tus kab mob Covid-19 yog dab tsi. Nyob ntawd muaj cov hluas hnub nyoog 16-30 xyoo nrog cov laus nyob thiab kho vaj kho tsev rau cov neeg laus. 
Muaj cov neeg laus hnub nyoog 70-80 xyoo coob leej. Muaj tus Leej Phauj Khes Npis Tas thiab cov tub ntxhais hluas ua cov xaws ntaub npog qhov ncauj qhov ntswg rau lawv. Tsis muaj xov tooj, tsis muaj TV, tsis muaj Internet thiab tsis muaj tej ntawv xov xwm, mas cov laus tsuas yog hnov cov Leej Phauj lawv tham txog tus kab mob Covid-19 xwb. Tsis tas li ntawd, cov laus lawv muaj tsawg leej thiaj paub siv xov tooj thiab paub txog Wifi xwb. Cov Leej Phauj niaj hnub qhia cov laus kom lawv txawj saib xyuas tus kheej, kom txhob kis tus kab mob. Pom tau tias kev muab cov laus cais mus nyob tej qhov chaw ntsiag to, mas yog ib qho nyuab heev rau cov laus yuav nyob tau. Cov Leej Phauj lub hom phiaj, yog ua kom cov laus txhob laj nyob thiab txhob nyob ntsoos ntsoos yam tag kev cia siab. 
Yog muaj neeg nrog neeg laus nyob thiab nrog lawv sib tham, mas yuav ua rau cov laus tsis npau taws thiab lawv nyob tau kaj siab lug. 
Tam sim no muaj tus kab mob Covid-19 sib kis, mas Vaj Qhia Fas Ntshis Kus kheev kheev hais kom cov tub ntxhais hluas txhob tso cov laus nyob twm zeej. Cov hluas yuav tsum nrog lawv tej pog tej yawg sib tham, txhob txhob cia lawv ceeb laj nyob thiab ntsej muag ntshaus.