VAJ QHIA THOV KOM FAIB TSHUAJ RAU COV NEEG TXOM NYEM

Vaj Qhia Fas Ntshis Kus tsis txaus siab thiab nws hais txog cov neeg pluag txom nyem uas lawv tsis muaj tshuaj kho mob. Vaj Qhia thov kom 300 lub tsev kho mob thiab cov tsev muag tshuaj thiab cov tsev Koom Haum, kom lawv pab tshuaj noj tiv thaiv thiab tshuaj kho mob rau 1,800 lub Koom Haum pab cov neeg txom nyem nyob thoob Is Tas Lias teb, kom lawv tau coj cov tshuaj ntawd mus faib rau tsoom pej xeem. 
Vaj Qhia hais nyob hauv ib lub Koom Haum pab neeg txwm 20 xyoo tias : “Ntau zaus uas cov neeg txom nyem tsis tau kev khob mob, vim lawv pluag tsis muaj nyiaj thiab lawv tsis muaj tshuaj noj.” 
Tswv Ntuj hlub neeg thiab hlub nws cov me nyuam uas niaj hnub tuag nyob hauv ntiaj teb no, vim tsis muaj tshuaj kho mob txhua tsoom pej xeem. Yog tias muaj tshuaj kho mob thiab muaj kev tiv thaiv, mas yuav tsis muaj neeg tuag coob npaum no. 
Vaj Qhia hais tias tsim nyog sawv daws yuav koom tes pab cov neeg pluag txom nyem thiab nrhiav kev tiv thaiv kab mob kom ntau dua qub. 
20 xyoo dhau los no, lub Koom Haum Banco Farmaceutico tau sib sau tshuaj noj li ntawm 5 plhom 600 txhiab ntsiav uas yog raug nyiaj 34 plhom Euro. 4,900 lub tsev muag tshuaj, 22,000 tus tub ua hauj lwm los sib koom nyob hauv hnub Medicine Collection Day. Ces lub 2 hlis xyoo 2020 no, muaj cov pej xeem 473,000 leej tau txais cov tshuaj noj uas lub Koom Haum Banco Farmaceutico sau tseg.