COVID-19 ROV SIB KIS NYOB KOS LIM NAJ TEB.

Xas Laas Ntses Is uas yog tus ntseeg cov Plos Tes Taas cuav, nws muaj qhov chaw loj nyob ntawm qab teb ntawm lub tuam ceeb Xes Us (Seoul), nyob Kos Lim Naj. Hnub tim 15 lub 8 hli no, raws li cov tseem hwv hais thiab thuam, mas yog cov Plos Tes Taas Jun Kwang Hoon tsa lub rooj sab laj hais txog Kos Lim Naj hnub thiab xyav txog tus Txoov Tim Tswv Mus Ntses Is (President Moon Jae In). Hnub ntawd muaj neeg tuaj sib sau ntau caum txhiab leej, ces thiaj ua rau tib neeg sib kis mob ntxiv. 
Tam sim no muaj cov neeg mob Covid-19 txhab ntxiv li 315 leeg nrog 2,000 leej uas yeej muaj mob lawm. Cov Plos Tes Taas cuav ntawd muaj txog ntawm 4,000 leej. Cov kws kho mob hais tias : hais txog kev sib kis mob ntawm cov neeg tuaj sib sau ntawd tseem sib kis tas zog. Vim li ntawd, tus thawj tswj kev noj qab haus huv Kim Ganglip tau thov kom pab neeg ntseeg uas sib sau ntawd mus sim tshuaj txhua tus. Dua li ntawd tseem tshuav cov ntseeg uas yog cov Plos Tes Taas Shincheonji, yog pab neeg uas kis tus kab mob Covid-19 coob tshaj nyob Kos Lim Naj. Tam sim no pab ntseeg ntawd muaj cov neeg mob Covdi-19 txog 5,200 leej. Kos Lim Naj yog ib lub teb chaws uas muaj tsoom pej xeem 52 plhom leej. Tam sim no Kos Lim Naj muaj cov neeg mob Covid-19 15,318 leej thiab tuag lawm 305 leeg.