Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
VAJ QHIA UA KAB KE NTXUAV RAU COV ME NYUAM YAUS.
Hnub chiv tim 12 lub 1 hlis xyoo no yog hnub Huab Tais Yes Xus txais Cim Ntxuav, Vaj Qhia Fas Ntshis Kus thiaj ua kab ke Ntxuav rau cov me nyuam yaus 32 leeg nyob hauv lub tsev teev Ntuj Xis This (Sistine Chapel).
Nyob hauv Txoos teev Ntuj, Vaj Qhia tau ua Cim Ntxuav rau cov tub qav tub num hauv Vas Tis Kas cov me nyuam.
Vaj Qhia nco txog Huab Tais Yes Xus lo lus hais rau Zam : Cia kuv ua li ntawd, wb thiaj tau ua raws txoj kev ncaj. Vaj Qhia thiaj hais tias “Kab ke ua Cim Ntxuav rau cov me nyuam yaus yog ua raws txoj kev ncaj, vim Cim Ntxuav yog lawv lub cuab tam, peb cog lus nyob hauv Leej Ntuj Plig Ntshiab.”
Vaj Qhia hais ntxiv tias kev ua Cim Ntxuav rau cov me nyuam yaus, mas lawv yuav loj hlob nyob hauv Leej Ntuj Plig Ntshiab.
“Nej yuav tsum tu lawv thiab qhia Ntuj kev cai rau lawv hauv nej tsev kom lawv loj hlob nyob hauv qhov pom kev, nyob hauv Leej Ntuj Plig Ntshiab. Nov yog kuv cov lus muab rau nej sawv daws.”
Vaj Qhia ho hais rau lawv tias “Thaum peb ua Thaj Txi Ntuj, nej txhob ntxhov siab yog nej cov me nyuam pheej dhia ua si. Vim lawv tuaj teev Ntuj hauv no thawj zaug, mas lawv thiaj kov qhov ub qhov no thiab pheej quaj.”
Vaj Qhia rov hais tias thaum me nyuam yaus quaj hauv tsev teev Ntuj ces xws li yog ib lub tsev zoo nkauj.
Kawg no Vaj Qhia Fas Ntshis Kus ntuas sawv daws tias “Txhob hnov qab tias nej ris Leej Ntuj Plig Ntshiab nyob hauv nej cov me nyuam.”
Thau los ntawm : www.vaticannews.va/en
Tus txhais : Muas Lauj, Zoo Tswv Zov Yaj
Add new comment