ZAJ NYEEM HNUB TIM 25 LUB 9 HLI 2020

LIS PIAM 25 CAIJ NRUAB XYOOS.
Pob Zeb lees ntseeg. Yes Xus qhia thawj zaug txog nws txoj kev txom nyem. (LK. 9 : 18 – 22)
Muaj ib zaug, Yes Xus teev Ntuj ib leeg, cov thwj tim nrog nws nyob, Yes Xus nug lawv tias : "Tsoom sid hais tias kuv yog leej twg ?" 
Cov thwj tim teb tias : "Ib txhia hais tias koj yog Zam Ntxuav Plig, ib txhia hais tias koj yog Es Lias, tseem muaj lwm cov hais tias koj yog ib tug yaj saub thaum ub sawv rov los." 
Yes Xus hais rau lawv tias : "Hos nej, mas nej hais tias kuv yog leej twg ?" 
Pob Zeb teb tias : "Koj yog Tswv Ntuj Leej Pleev." 
Ces Yes Xus cheem thiab txwv lawv kom txhob hais qhov ntawd rau leej twg. Yes Xus tseem hais tias : "Neeg Leej Tub yuav tsum raug txom nyem loj. Cov txwj laus, cov Thawj Leej Choj, thiab cov Kws Ntawv Ntshiab yuav muab nws xyeeb pov tseg. Nws yuav raug luag tua, tab sis hnub peb nws yuav sawv rov los."