DEJ LOS NAG NYAB PAS KIS TAAS TEB.

Nyob hauv lub xeev Sindh thiab lub xeev Balochistan uas nyob Pas Kis Taas teb, mas muaj nag xob nag cua los hlob heev. Ces ua rau dej nyab tsoom pej xeem tuag li ntawm 100 leej thiab tej vaj tse piam sij lawm 1,000 lub. Yog ib zaug uas dej nyab 2 lub xeev no loj tshaj yam tsis tau muaj los dua.
Cov tseem hwv Pas Kis Taas tau ceeb toom tias lub xeev Sindh yog lub xeev raug xwv txheej loj tshaj. Los nag loj thiab dej nyab, mas dej kuav tej yam qias neeg los puv lub nroog tas. Ntau lub tsheb raug dej nyab thiab siv tsis tau lawm.
Cov Caritas nyob Pas Kis Taas teb tau koom tes nrog lub Koom Txoos npaj txhiam xws noj thiab tsev tsam phooj (Tsev ntaub) mus pab tsoom pej xeem uas raug dej nyab. Cov Caritas Pas Kis Taas nyob hauv lub xeev Balochistan tau coj txhiam xws noj mus faib rau 50 tawm yim neeg nyob hauv lub 8 hli dhau los no. Thiab CPK kuj tau faib zaub mov thiaj dej haus rau tsoom pej xeem nyob hauv lub zos Leej Ntshiab Mis Kas Ees li ntawm 150 yim neeg.