KOOM TXOOS NYOB NYAB LAJ TEB THIAB KEV TXUAG HUAB CUA

Cov neeg ntseeg nyob Hos Cis Mees tau tsa lub rooj sau siab ntau zaus, muaj cov tub ntxhais hluas tuaj sib koom coob kawg. Cov tub tseem hwv nyob hauv lub xeev Hos Cis Mees kuj zoo siab txog lub Koom Txoos txoj kev sib koom sau siab no. Txij xyoo 2015 los, cov neeg ntseeg nyob Nyab Laj teb zoo siab lees txais Vaj Qhia lub tswv yim kom muaj rooj sau siab, muaj cov neeg ntseeg thiab cov Txiv Plig, cov Leej Tij thiab cov Leej Phauj tau ua ntau yam los txhawb nqa Vaj Qhia lub tswv yim rooj sau siab nyob hauv lub nroog Hom Cis Mees. Yam li cov neeg ntseeg tau sib koom tes ua hauj lwm thiab pab cov neeg thoj nam nyob hauv lub cheeb tsam uas Tswv Qhia kav. Cov neeg ntseeg uas tsis coob pes tsawg nyob hauv Hom Cis Mees tau tsa lub rooj sau siab ntau zaus, kom tau txhawb nqa cov neeg txom nyem thiab pab txuag xyoob ntoo. Cov neeg ntseeg kuj sib koom tes nrog lwm pab neeg thiab fab kev khuv leej neeg kom tshwm sim ua ib qho chaw hu ua “peb sawv daws lub tsev”.

Lwm cov tsev teev Ntuj kuj tau pab txhawb hais txog kev kawm txuj thiab qhia kom sawv daws txawj txuag tej xyoob ntoo. Yam li lub tsev teev Ntuj Hang Xanh, mas cov tub ntxhais hluas tau sib pab khaws tej hnab roj hmab, tej ntawv uas neeg pov tseg nrog rau txhua yam toob xib, coj rov qab los ua dua tshiab kom tau siv ntxiv mus. Cov tub ntxhais hluas ua li no, kom tau txuag lub tsev teev Ntuj tej nyiaj txiag thiab tau pab lwm cov me nyuam uas txom nyem. Qee lub tsev teev Ntuj tau hloov tej yam uas muab los tsim dua tshiab hu ua “Tsev teev Ntuj ntshiab huv”. Tsis pov tej toob xib qias neeg rau hauv kwj deg thiab tsis nuv ntses, vim lawv xav txuag kom tej kwj ha huv tuaj. Tus Txiv Plig Khuas Npaus tau qhia kom cov neeg ntseeg sib pab cheb lub tsev teev hawm Phus Thas, mus txog rau lub tsev Fas Ntshis Kus thiab lub tsev Khas Laj. Cov Txiv Plig uas ua hauj lwm fab kev ntshiab huv, tau qhia cov neeg ntseeg kom paub txuag kev ntshiab huv thiab txuag tej xyoob ntoo. Lawv ua li ntawd, ces cov tub tseem hwv nyob hauv lub xeev pom zoo thiab lees txais lub Koom Txoos zaj tswv yim hais txog txuag xyoob ntoo. Kev txuag xyoob ntoo thiab txuag hav zoov, yog ib lub tswv yim zoo ntawm cov neeg ntseeg Kav Tos Liv. Tej hauj lwm lawv ua, zoo qhia cov me nyuam thiab cov tub ntxhais hluas kom lawv txawj xav thiab txawj txuag tej xyoob ntoo zim txwv no thiab mus rau yav tom ntej.

Tus txhais : Zoo Tswv Zov Yaj