Leej Tsob Hwb Qiam Muas yog tus me nyuam tim 3 hauv ib tsev neeg uas muaj 11 leej kwv tij nkauj muam. Nws txiv hu ua Yos Xes Yeej Muas, niam hu ua Tes Les Xas Ntxhoo Lauj.
Thaum Qiam kawm tas ntawm lub tsev kawm Yewon Arts University (Cao đẳng nhạc họa Trung Ương) thiab tau txais daim ntawv pov thawj qib siab, nws tau rov mus qhia ntawv hauv lub xeev Los Kiab (Lào Cai) thiab ua hauj lwm. Qiam Muas ntsib kev nyuaj siab ntau yam, vim nws tsis paub yuav xaiv txoj kev twg. Nws thov Tswv Ntuj tas zog thiab nug cov hlob qhia nws txoj hau kev, ces qhov kawg Qiam Muas ua ib siab xaiv txoj kev nyob tab seeb.
Dhau ntau xyoo uas Qiam nrhiav txoj kev nyob tab seeb, ces hnub tim 3 lub 9 hlis xyoo 2011, Txiv Tswv Qhia Gioan (Xis Oos) Maria ntawm lub Cheeb Koom Txoos Hoos Huas thiaj hu Qiam mus kawm nyob hauv lub tsev cov Xib Hwb kawm (seminary) nyob Hanoi.
Hnub uas Qiam mus kawm tsheej ua ib tug Xib Hwb thiab ua Leej Tij, yog hnub zoo siab kawg hauv peb cov Hmoob ntseeg. Txoj kev zoo siab ntawd tseem loj tshaj qhov uas nws tau txais lub Cim Tiag Tes ua Leej Tsob Hwb, vim nws yog thawj tug Hmoob nyob rau Xib Fab Pej.
Lub Cheeb Koom Txoos Hoos Huas tam sim no muaj cov Hmoob ntseeg Kav Tos Liv li ntawm 20,000 leej, nyob hauv thaj tsam Tỉnh, Phú Thọ, Sơn La, Điện Biên, Lai Châu, Lào Cai, Yên Bái, Tuyên Quang, Hà Giang (Ham Xaab).
Peb Hmoob txij no mus yuav muaj kev cia siab txog peb tej me tub me nyuam thiab peb sawv daws koom thov Tswv Ntuj rau Leej Hwb Qiam Muas, vim nws txoj kev mus tseem yuav ntsib ntau yam kev nyuaj siab, fim lim.
(Tus txhais lus : Leej Tij Vuaj Xyooj).
Duab: Txiv plig Thanh Bình
Add new comment