QHIB ROOJ KAWM UA TUB TSHAJ MOO ZOO NYOB LUB ZOS PHEEJ HUJ, NYAB LAJ QAUM TEB.

Hnub tim 26 lub 11 hlis 2019 no, cov ntseeg nyob hauv lub zos Pheej Huj, hauv lub Cheeb Koom Txoos Hoos Huas, tau qhia ib co tub hluas npaj mus tshaj lub Moo Zoo rau neeg pib los ntseeg tshiab. Cov tub hluas no tuaj ntawm ntau lub zos tuaj. Sawv daws npaj siab tias : ib lub zos xa ib tug tub mus kawm, kom tau los ua hauj lwm tshaj Ntuj Lus rau yav tom ntej. Kev qhia zaum no, mas yuav qhia mus txog hnub tim 4 lub 12 hlis 2019 thiaj mam xaus.
Cov zos Hmoob nyob ib thaj tsam no yog nyob raws tej tej laj roob ntxhab thiab tej kev mus hauv cov zej zog tsis yooj yim. Cov Txiv Plig yuav mus tshaj Ntuj Lus rau Hmoob kuj tsis yooj yim thiab ceeb laj kawg. Li ntawd, thiaj muaj rooj kawm tub tshaj Moo Zoo zaum no los tsim cov tub tshaj Ntuj Lus pab 4 tug Txiv Plig ua txoj hauj lwm rau cov kwv tij Hmoob.
Hauv cov zos Hmoob ib thaj tsam no, mas lub zos Pheej Huj thiab lub zos Yaj Los Pav yog 2 lub zos muaj cov kwv tij Hmoob ntseeg Kav Tos Liv coob duab lwm lub zos.

Tus sau : Ntshus Xyooj, Nyab Laj teb.