KEV VAM KHOM HAUV KEV PIAM SIJ NYOB LIS NPAAS TEB.

Tom qab lub tuam tsev ntau txheej siab kub hnyiab nyob Lis Npaas teb tag li 3 hnub, mas cov tub khaws neeg tuag kuj tseem tshawb nrhiav seb puas tseem muaj tej tug muaj txoj sia nyob. Muaj coob leej tag kev cia siab, vim lawv cov neeg tuag lawm. Kuj muab coob leej tseem muaj kev cia siab thiab lawv tseem tos lawv cov neeg tas zog. 
Ali Masheik yog ib tug ntaus tes taw thiab nws tshaj lij dua lwm tus, nws kuj raug ploj mus nyob hauv cov xwv txheej zaum no. Nws poj niam hais tias Ali rov qab mus nrog nws tus thawj coj ua hauj lwm nyob ntawm lub tshav nkoj Npes Lus uas raug kub hnyiab tas. Ali tau nqi zog ib teev yog 3,000 pon nyiaj Lis Npaas. Vim muaj 2 tug me nyuam, ces Ali tsis tshua kav siv nyiaj ua dog dig nyob rau lub caij uas lub teb chaw tab tom kub ntxhov. Ali rov mus ua hauj lwm 4.30 teev txog 6.30 teev, thiab qhov chaw tsev kub hnyiab nyob ncaj ntawm Ali qhov chaw ua hauj lwm. Txij ntawd los tsis hnov Ali moo li lawm. 
Tsis muaj leej twg paub tias tshwm sim dab tsi rau Ali, puas yog nws raug txhub nyob ntawm thawj chaw ntawd. Ali poj niam sawv nyob ntawm thaj chaw ntawd quaj ntsia ntsoov thiab tos seb puas pom Ali rov los. Vam tias Ali yuav rov los thiab nws poj niam yuav tau puag nws ib zaug ntxiv. 
Txawm tias lub sij hawm dhau mus zuj zus, tsis kav Ali poj niam kev cia siab tsis tau tag, nws tseem niaj hnub tos seb Ali puas rov los. 
Eliane yog ib tug neeg txawj sau duab kos duab. Eliane sau tej daim duab txaus ntshai kawg nyob ntawm tej sab phab ntsa hauv lub nroog Npes Lus. Tej chaw uas Eliane kos duab ntawd, yog nyob hauv cov thaj tsam cov neeg pluag txom nyem nyob coob coob. Eliane txhob txwm sau cov duab ntawd rau tim tej sab phab ntsa, kom cov neeg pluag txom nyem lawv tau saib ua chaw kaj siab. 
Tam sim no Elaine tos nws tus me tub nyob ntawm kem tsev phais neeg hauv tsev kho mob. Vim nws tus tub raug mob ces cov kws kho mob yuav tsum tau muab phais. Eliane thov Ntuj pab nws tus tub tas zog. Tab txawm lawv lub tsev piam sij tas, tsis kav thov kom nws tus tub zoo xwb. 
Kev piam sij hauv lub nroog Npes Lus, mas ua kev kub ntxhov loj kawg rau tas tsoom pej xeem Lis Npaas. Vim cov xwm tshwm sim nws raug ntau pab neeg thiab ntau txoj hauj lwm.