TSEV TEEV NTUJ NYOB FIS LIS PEES TEB TAU TUS DUAB ME NYUAM YES XUS ROV QAB

Muaj ib tug neeg ntseeg Kav Tos Liv uas nws nyiam ceev tej yam qub qub tseg, tau muab daim duab me nyuam Yes Xus Santo Nino Child Jesus xa rov rau ib tug Txiv Plig siab zoo nyob Fis Lis Pees teb. 
Hnub tim 22 lub 9 hlis no, tus neeg ceev tej yam qub qub tau muab daim duab me nyuam Yes Xus xa rov rau tus Txiv Plig nyob hauv lub nroog Malitbog, uas nyob hauv lub Cheeb Koom Txoos Maasin. Daim duab me nyuam Yes Xus ntawd raug tub sab nyiag mus xyoo 1988 thiab nrog rau lwm yam toob xib nyob hauv tsev teev Ntuj. 
Daim duab me nyuam Yes Xus ntawd, sawv daws xav tias yog ib tug kws sau duab kos tseg hauv xyoo 1720. Thiab yog ib tug piv txwm ntawm Santo Nino nyob Xes Npus. Yog Ferdinand Magellan uas nws yog ib tug neeg Xyis Pas Yas muab pub ua paj tshab rau Hus Mas Npos (Hummabon) uas nws yog tus thawj coj nyob hauv lub pov txwv. 
Tus neeg ceev tej yam qub qub hais tias : nws xuas nyiaj yuav daim duab me nyuam Yes Xus Santo Nino, thiab xa rov mus rau qhov chaw qub, nws tsis yuav nyiaj pauj rov qab.