COV LEEJ CHOJ OMI NPAJ HMOOV TSUJ XEEB YES XUS YUG LOS

Nyob hauv xyoo 2019 no cov Txiv Plig ua hauj lwm tshaj Ntuj Lus rau Hmoob hauv Cheeb Koom Txoos nakornsavan yuav ua hmoov tsuj xeeb Yes Xus yug los hauv cov zos Hmoob rau hnub tim 24 txog 29 lub 12 hlis.
Txiv Plig Txawj Foom (Fr. Thossaporn Narinrak) tus thawj coj cov Leej Choj OMI tshaj Ntuj Lus rau Hmoob hauv Cheeb Koom Txoos Nakornsavan tau nrog cov Leej Choj sib sab laj tias lawv yuav ua hmoov tsuj xeeb Yes Xus yug los yog Christmas rau hmo tim 24 txog 29 lub 12 hlis no.
Nyob hauv zos Khej Me xeev Phetchabun, yog ib lub zos loj thiab muaj cov ntseeg Kav Tos Liv coob, mas yuav ua hmoov tsuj xeeb rau hmo tim 24 tib yam li tiv lub zos Fib Xaim xeev Phitsanulok.
Hauv zos Fib Xaim thiab zos Nav Xais, mas cov ntseeg sawv daws sab laj tias hmo ntawd yuav tsis ua hmoov loj dab tsi; tsuas yog hu cov ntseeg thiab tsis ntseeg sawv daws tuaj ua thaj txi Ntuj thiab nyias npaj nyias khoom plig tuaj sib pauv ua kev cai xwb.
Txiv Plig Udomsak Dihair tus Leej Choj tshaj Ntuj Lus hauv zos Nav Qhab hais tias nyob hauv lub zos no cov ntseeg yuav ua hmoov tsuj xeeb Huab Tais Yes Xus yug rau hmo 28 lub 12 hlis, lawv yuav muaj kev nqia hnub qub uakev lom zem. Yog li thiaj thov caw sawv daws tsis hais ntseeg kev teev hawm dab tsi los sij; mus koom kev lom zem tau rau ntawm lub tsev teev Ntuj hauv zos Nav Qhab raws li lub caij tau hais los tseg.
Hmo 29 Txiv Plig Txawj Foom, Txiv Plig Vam Tuam, Txiv Plig Kovit thiab Txiv Plig Udomsak yuav nce mus ua thaj Txi Ntuj thiab ua hmoov tsuj xeeb Huab Tais Yes Xus yug rau lub zos Hooj Kav ua ke.

Tus sau : Muas Lauj, Zoo Tswv Zov Yaj